A Garda Civil impartirá o vindeiro 24 de setembro unha sesión informativa sobre ciberseguridade dirixida a pais, nais e titores/as, cun enfoque práctico sobre os riscos aos que se enfrontan os menores na rede.

A contorna dixital presenta múltiples oportunidades, pero tamén riscos que requiren de prevención e coñecemento por parte das familias. Co obxectivo de ofrecer ferramentas e pautas para un uso seguro da tecnoloxía por parte dos máis pequenos, a nosa entidade organiza unha sesión informativa sobre ciberseguridade dirixida a pais, nais e titores/as.

O encontro terá lugar o vindeiro 24 de setembro ás 11:00 horas e contará coa participación de especialistas da Garda Civil. Durante a xornada abordaranse os perigos máis frecuentes aos que se enfrontan os menores na rede, así como recomendacións prácticas para previr situacións de risco e acompañar ás crianzas nun manexo responsable de Internet.

Datos da convocatoria

Data e hora

24 de setembro, ás 11:00 h

Lugar

Oficina de Portas Abertas · Avda. de Laza, 42

Imparte

Garda Civil

Dirixida a

Pais, nais e titores/as

Prazo de inscrición

Ata o 21 de setembro

Prazas

Limitadas, por orde de inscrición

Esta xornada enmárcase dentro das actividades de portas abertas dirixidas ao apoio familiar e á promoción dun contorno dixital protexido para a infancia. As prazas son limitadas, polo que se recomenda formalizar a inscrición antes da data límite.

O programa Familia e Comunidade é financiado pola Consellería de Política Social e Igualdade da Xunta de Galicia dentro da convocatoria de subvencións destinadas á realización de programas de interese xeral para fins de carácter social, con cargo á asignación tributaria do 0,7 % do imposto sobre a renda das persoas físicas e do imposto de sociedades para o ano 2026.