Portas Abertas abre o prazo de inscrición nun novo programa de actividades educativas e de lecer para a infancia e a mocidade, con reforzo escolar, inglés, informática, manualidades e atención a necesidades educativas especiais.

Co obxectivo de ofrecer alternativas de lecer formativo e desenvolvemento persoal no contorno rural, a entidade Portas Abertas pon en marcha un novo programa de actividades dirixido á infancia e á mocidade. A iniciativa está deseñada para que os nenos e nenas poidan aprender, crear, reforzar as súas capacidades e gozar dun espazo de encontro adaptado ás súas necesidades.

O programa combina obradoiros creativos, apoio educativo e dinámicas de lecer saudable, proporcionando ás familias un recurso conciliador e de calidade nas sedes da organización.

Actividades ofertadas

• Reforzo escolar
• Inglés
• Manualidades
• Obradoiros puntuais
• Informática
• Necesidades educativas especiais

O Noso Espazo é un programa financiado pola Consellería de Política Social e Igualdade da Xunta de Galicia dentro da convocatoria de subvencións destinadas á realización de programas de interese xeral para fins de carácter social, con cargo á asignación tributaria do 0,7 % do imposto sobre a renda das persoas físicas e do imposto de sociedades para o ano 2026.