O vindeiro 14 de agosto, o concello de Vilardevós desenvolverá a xornada «Verán Activo», unha iniciativa cultural e de lecer que conta coa colaboración de Portas Abertas para a realización de varias das súas citas principais.

A programación arrancará ás 10:00 h na Praza do Cruceiro e na Rúa Xacinto Santiago coa Feira de persoas productoras locais, un espazo dedicado á artesanía e á gastronomía da zona que permanecerá aberto ata as 14:00 h.

A partir das 11:00 h, a actividade trasládase ao Centro de Interpretación do Contrabando, xestionado por Portas Abertas, onde terá lugar a presentación conxunta de cinco libros:

• Adolescente utopía, de Marí Luz Pascual Gallego.
• O Ouro Negro. A Historia das Minas de Vilardecervos, de Mikel Diéguez.
• O Foie Gras. Unha Historia dos Gansos, de Silverio Tallón.
• Lágrimas de Limo, de Tálamo.
• El príncipe Lagarto, de Marcos Dosantos.

Máis tarde, ás 12:00 h, o Museo da Oliveira abrirá as súas portas para acoller a exposición «Educación en Femenino», unha iniciativa impulsada a través do programa DELAS de Portas Abertas para poñer en valor o papel histórico e educativo das mulleres.

A xornada completaráse pola tarde na Praza do Cruceiro cun Cabaret Infantil ás 18:00 h e culminará ás 20:30 h coa Andaina nocturna «A ruta da Serra».

Con esta colaboración, Portas Abertas reafirma o seu compromiso co dinamismo cultural, a posta en valor do patrimonio local e a dinamización social de Vilardevós.