No CDR Portas Abertas seleccionamos unha persoa para realizar plans de igualdade para organizacións externas.

Funcións:

Elaboración e asistencia na implementación de plans de igualdade en organizacións externas de diversos sectores, na provincia de Ourense.

• Deseño e realización de diagnoses in situ  e a distancia en coordinación e interlocución coas persoas designadas pola organización para formar parte da comisión de Igualdade da mesma.
• Análise cualitativa e cuantitativa da información recollida e dos procesos organizativos relacionados ca implantación do plan de igualdade.
• Diagnose  dende a perspectiva de xénero da situación da empresa.
• Elaboración  do plan de igualdade e do protocolo de acoso sexual e por razón de sexo.
• Asesoramento e acompañamento ás organizacións para a obtención da certificación do plan de igualdade.
• Asistencia técnica na implantación do plan de igualdade.

Requisitos Formativos:

• Formación superior relacionada coas ciencias sociais,
• Formación como axente de igualdade ou formación  específica en materia de igualdade de oportunidades (mínimo 250 horas)

Experiencia laboral:

Requírese contar con experiencia nalgunha desta áreas ou outras similares que permitan acadar un perfil competencial similar, sempre tendo en conta que o enfoque de xénero é fundamental para a adecuación da profesional a este posto.

• Experiencia na realización de diagnósticos sociais ou con perspectiva de xénero.
• Experiencia  no uso de instrumentos de análise de información, deseño, implementación e avaliación de plans, programas e proxectos no ámbito social, formativo ou dos recursos humanos.
• Experiencia en consultoría social.

Perfil competencial:

Capacidade de análise e planificación estratéxica.

Comunicación interpersoal, habilidades para a negociación,  orientación ao cliente, asertividade, empatía e adaptabilidade a diferentes entornos.

Planificación, autonomía, traballo a distancia, xestión da documentación e da información, capacidade de transferencia dende a perspectiva de xénero.

Docencia e dinamización de actividades grupais.

Coñecementos técnicos:

Proceso de elaboración, implementación e certificación dos plans de igualdade.

Políticas públicas, normativas e fontes de información en materia de igualdade.

Recepción de candidaturas

Recibiranse candidaturas ata o día 21 de setembro de 2020 a través do correo electrónico: orientacion@cdrportasabertas.org 

Para consultas, a través do mesmo correo ou no teléfono:988 417232 en horario de mañá de luns a venres.

Contratación:

Contrato por obra e servizo e xornada variable segundo necesidades das organizacións externas.

Horario flexible

Salario segundo convenio de Acción Social