Nos últimos meses, a aldea de Vilarello da Cota, no Concello de Vilardevós, converteuse nun exemplo de como o traballo comunitario pode transformar a realidade do rural. A través do programa Comunidades Inclusivas, desenvolto polo CDR Portas Abertas, puxéronse en marcha diversas actividades co obxectivo de combater a soidade e mellorar a calidade de vida dos veciños e veciñas.

Realizaronse entrevistas a comunidade de Vilarello para coñecer a súa opinión sobre o lugar, o grao de inclusión comunitaria, e a rede de coidados existentes. Tras analizar estos datos, traballamos cun grupo de persoas  e dende o coñecemento profundo do territorio que outorgan máis de 30 anos de traballo, e ca colaboración da veciñanza, o CDR Portas Abertas promoveu espazos de encontro onde reunirse entorno a actividades como un magosto popular, ou o samain, e a decoración de nadal onde a veciñanza traballou de forma conxunta para levar a cabo estas actividades. Sen esquecernos dos obradoiros de manualidades ou estimulación cognitiva, que máis alá da creación artística, funcionan como puntos de reunión onde compartir historias mentres se traballa coas mans, fomentando a psicomotricidade e, sobre todo, o benestar emocional. 

• Unha das actividades máis emotivas, onde os participantes poden repasar e por en valor o seu proxecto vital, reforzando a súa identidade e autoestima, son as súas historias de vida. 
• Grazas á intervención de facilitadores e conectores comunitarios, estase a construír un ecosistema de coidados máis sostible e humano, garantindo que as persoas con necesidades de apoio estean plenamente integradas na súa comunidade.